شروط الاستخدام

• الحساب شخصي لطالب واحد، وممنوع مشاركته مع أي حد تاني.
• البيانات اللي بتدخلها (الاسم، رقمك، رقم ولي الأمر) لازم تكون صحيحة.
• انت مسؤول عن الحفاظ على كلمة السر بتاعتك.
• مشاركة الحساب أو بيعه بتؤدي لإيقافه نهائيًا من غير استرداد.

• اشتراك مادة البرمجة لتانية ثانوي: 200 ج في الشهر أونلاين، و300 ج في الشهر للحصص في السنتر.
• أولى ثانوي مجانية بالكامل على المنصة.
• الدفع بتحويل على الأرقام المعلنة، وبترفع صورة الإيصال. الاشتراك بيتفعّل بعد مراجعة الإيصال واعتماده من الإدارة.
• مفيش خصم تلقائي ولا تجديد تلقائي — التجديد بيتم بتحويل جديد.
• الأسعار قابلة للتغيير، والتغيير مايأثّرش على اشتراك مفعّل بالفعل.

• كل الفيديوهات والمذكرات ملك صنعة، ومخصّصة لاستخدامك الشخصي في الدراسة بس.
• كل حصة متعلّمة باسم الطالب وكوده جوه الفيديو. أي تسجيل أو نشر بيرجع لصاحبه، والحساب بيتوقف نهائيًا من غير استرداد.
• ممنوع تحميل أو إعادة نشر أو بيع أي محتوى من المنصة.

الواجبات والامتحانات بتتصحّح يدويًا من فريق المتابعة. الدرجة والملاحظات بتظهر في حساب الطالب، وبتتضمّن في التقرير اللي يوصل لولي الأمر.

بنحتفظ بحق إيقاف أي حساب يخالف الشروط دي — خصوصًا مشاركة الحساب أو تسجيل المحتوى. الإدارة هي الجهة الوحيدة اللي بتقدر تعيد فتح الحساب.